Featured Latest News Media

Poroporoaki ki a Ranginui Walker‏

“E te Tohunga o te Ao Matauranga,e Rangi,Tiraha mai Tiraha mai.
Tiraha mai i roto i to tohea ki tou rahinga a te Whakatohea – ki tou waka a Mataatua
Kua whiwhi a Ngati Whatua – te waimarie kei a ratou – tou pito kei a Waiaua.
Hoki Wairua mai ki to Ukaipo, ki te Moana a Toi, ki te Paepae o Aotea, te Rerenga Wairua o nga uri a Mataatua.

 
Kua pikautia e koe nga take Maori ki te Ao Pakeha
Haruru ana te Ao Hurihuri i ou kupu haehae i te kaki whero
Ketekete ana te Kiritea i te koi me te ataahua o tou arero Ingarihi
Ko tou kupu o tena reo i taea ai te taka o te kapa te hohou i te maramatanga
Ko koe te tino Kaitakawaenga o Aotearoa, ana, ko te hua kua nohotahi ai tatou.

 
Ka hoki ki te wa i kumea mai ai koe i te iti me te rahi i hunuku atu ki te taone nunui o Tamaki Makaurau kia whakakotahi ai ratou ki raro i te whakaruruhau o te Kaunihera Maori o Aotearoa
Na tou kaha ki te whakpakaru i te werawera i ora ai ratou aaaa tatou katoa
Ka mihi atu mo au mahi aaa nga mahi a korua ko Matt Tehau.
Hoki atu ki aia me a Hoani Waititi.

 
Koutou tokotoru i atawhaitia i Nga Hau e Wha i to ratou hekenga nui ki Akarana
Aue Aue tena te aroha nui i tou wehenga atu i a matou
Hoki atu ki ou Maunga kia pureatia koe e Tawhirmatea.
Koinei te poroporoaki a Te kaunihera Maori o Aotearoa
Na Maanu Paul
Te Kaunihera Maori o Aotearoa.”

%d bloggers like this: